Fshije ose paguaj” – Çfarë fshehin imazhet që sollën pranga në Tiranë? 1000 euro për heshtjen” – Zbulohet skema e shantazhit me jetë private në rrjete sociale. Operacioni ‘Imazhi’ zbulon përpjekje për zhvatje

Tiranë – Policia e Tiranës ka finalizuar sot operacionin e koduar “Imazhi”, duke dokumentuar dy raste të shtrëngimit me kanosje për qëllime përfitimi financiar.

Në qendër të ngjarjes është një 33-vjeçar, i cili është kanosur nga dy persona që i kërkonin 1000 euro, në këmbim të fshirjes së fotove dhe shkrimeve mbi jetën e tij private nga rrjeti social TikTok.

Si rezultat i operacionit u arrestua Fadil Tafa, 27 vjeç dhe u procedua penalisht L. M., 25 vjeçe, raporton noa.al.

Të dy dyshohet se kanë vepruar në bashkëpunim për të shantazhuar viktimën.

Gjithashtu, në kuadër të së njëjtës dosje, u ndalua shtetasi L. H., 21 vjeç, i cili më 14 mars 2024, dyshohet se ka ushtruar të njëjtën formë presioni ndaj një shtetasi tjetër për përfitime monetare.

Operacioni u drejtua nga Seksioni për Hetimin e Krimeve ndaj Pronës në DVP Tiranë. Materialet procedurale i janë kaluar Prokurorisë për hetime të mëtejshme. /noa.al