Aktorja e famshme dhe fituese e çmimit Oscar, Charlize Theron, ishte mes të ftuarve speciale në koncertin e Dua Lipës në Sidnej, Australi. E emocionuar nga performanca energjike e këngëtares shqiptare, Theron ndau me ndjekësit e saj në Instagram disa momente nga mbrëmja, duke përfshirë edhe një foto ku shihet krah për krah me Dua-n.

"Çfarë nate e mrekullueshme!" – shkroi ajo, duke treguar sa shumë e kishte shijuar koncertin.

E veshur me thjeshtësi, me një bluzë të bardhë dhe xhinse, Charlize u pa duke kërcyer dhe kënduar në mes të turmës.

Pas koncertit, ajo u takua me Dua Lipën në prapaskenë, duke e komplimentuar për talentin dhe energjinë në skenë. Dua iu përgjigj me dashuri, duke e quajtur Theron "më e mira".

Koncerti ishte pjesë e turneut ndërkombëtar të Dua Lipës, që po ngjall entuziazëm në të gjithë botën.

View this post on Instagram

A post shared by Charlize Theron (@charlizeafrica)