Ngjarje e rrallë në Dubai: Modelja gjendet e gjakosur – Dyshime për rrjet trafiku dhe festa të errëta

Një modele ukrainase, Maria Kovalchuk, 20 vjeçe, u gjet e gjakosur dhe me plagë të rënda në një rrugë të Dubait, pas 10 ditësh zhdukje. Ajo kishte udhëtuar drejt Emirateve për të marrë pjesë në një festë luksoze më 9 mars dhe më pas kishte humbur çdo kontakt me familjen.

Sipas autoriteteve të Dubait, ajo është rrëzuar aksidentalisht nga një kantier ndërtimi ku kishte hyrë pa leje. Por familja e saj dyshon fort se ajo është viktimë e një rrjeti trafikimi dhe shfrytëzimi seksual, të njohur ndryshe si “porta potty parties” – festa private, ku vajzave u ofrohen shuma të mëdha parash për të kryer akte degraduese dhe të rrezikshme.

Maria kishte një profil aktiv në OnlyFans dhe kishte udhëtuar drejt Dubait për pushime. Pas zhdukjes, familja dhe miqtë ngritën alarmin dhe organizuan kërkime, derisa ajo u gjet e braktisur, e plagosur rëndë në anë të rrugës. Ajo kishte fraktura në shtyllën kurrizore dhe në gjymtyrë, dhe iu nënshtrua katër operacioneve urgjente për të shpëtuar jetën.

Aktualisht ndodhet në gjendje të stabilizuar në spital, por hetimet për këtë rast vazhdojnë. Ndërkohë, autoritetet e Emirateve mohojnë çdo lidhje me trafikimin dhe e konsiderojnë incidentin si një rënie aksidentale.

Rasti ka tronditur opinionin publik dhe ka hapur sërish debatin për rreziqet që përballin vajzat e reja, influencueset dhe modelet që udhëtojnë drejt vendeve të pasura për festa të sponsorizuara, që shpesh fshehin pas vetes rrjete të errëta shfrytëzimi. /noa.al