Në arrest shtëpie, por kërcënon policin” – Fier, pranga 40-vjeçarit me të kaluar të rrezikshme

Fier – Një tjetër episod shqetësues është shënuar në Fier, ku një 40-vjeçar me rrezikshmëri të lartë shoqërore ka kanosur një punonjës policie të FNSH-së, pavarësisht se ndodhej në masë sigurie “arrest në shtëpi” dhe nën mbikëqyrje 24-orëshe.

Në pranga ka rënë Alesio Xhelo, banues në Fier, i cili ka ofenduar dhe kërcënuar rëndë efektivin e policisë që ishte në detyrë për ta mbikëqyrur.

Ngjarja ndodhi ditën e djeshme, duke alarmuar autoritetet për rrezikshmërinë e lartë që paraqet ky individ, raporton noa.al.

Alesio Xhelo ishte i njohur për një sërë veprash penale të rënda, mes tyre:

Trafikimi i armëve dhe municioneve luftarake

Rrëmbim ose mbajtje peng e personit

Largim nga vendi i qëndrimit

Tentativë për vrasje të punonjësve të Policisë së Shtetit

Materialet procedurale janë referuar Prokurorisë së Fierit për vijimin e hetimeve. /noa.al