Magazinë
Transmetuar më 19-11-2024, 22:43

Kombëtarja shqiptare u mposht me rezultatin 1-2 nga Ukraina, në ndeshjen e fundit për fazën e grupeve në Ligën e Kombeve.

Humbje e hidhur për kuqezinjtë e Silvinjos, që zbresin në Ligën C, pasi mbyllën renditjen në vendin e fundit me 7 pikë.

Ishte një ndeshje me dy tablo, ku pjesa e parë foli për ukrainasit, që shënuan dy gola të shpejtë me Zinchenko në minutën e 5-të dhe Yaremchuk në minutën e 10-të.

Fraksioni i dytë foli për Shqipërinë, që ishte dominuese, duke gjetur golin me Bajramin me penallti nëminutën e 75-të, por vetëm kaq. Kombëtarja shqiptare e mbyll në vendin e fundit Grupin B1 me 7 pikë, po aq sa Gjeorgjia e vendit të tretë. Në vendin e parë shkoi Çekia me 11 pikë, ndërsa Ukraina e mbyll në vendin e dytë me 8 pikë.

Mbyllet sfida!

91’- Super Thomas Strakosha, i cili i mohon ukrainasve golin e tretë, me dy pritje spektakolare.

90‘- Akordohen 5 minuta shtesë.

89’- Zëvendësimi i fundit te Shqipëria. Seferi merr vendin e Laçit.

88’– Rrezikon Ukraina me Nazarenko, gjuajtja e të cilit ndalet nga portieri Strakosha.

78’- Çfarë mundësie për Shqipërinë për të barazuar shifrat. Nedim Bajrami merr një top të shkëlqyer nga Asllani, por gjuajtja devijohet dhe shkon jashtë.

77’- Largohet nga fusha Ramadani dhe në vendin e tij futet Tuci.

75’- Goooool Shqipëria 1-2! Nedim Bajrami nuk gabon nga penalltia, duke mposhtur portierin Trubin.

74’- Penallti për Shqipërinë. Uzuni u vjedh kohën portierit dhe fiton 11 metërsh për kuqezinjtë.

68’- Bajrami ndëshkohet me karton të verdhë, për ndërhyrje të gabuar ndaj Zabarnyi.

62’– Arlind Ajeti provon supergolin nga jashtë zone. Gjuajtja e fortë e mbrojtësit, ndalet me vështirësi nga portieri Trubin.

61’- Ndërhyrje vendimtare e Ismajlit, që i heq topin Sudakov. Mbrojtësi shpëton një aksion të rrezikshëm të miqve.

60’- Tjetër tentativë e dështuar e Bajramit nga jashtë zone, e cila shkon rivënie fundore.

58’– Zbritje e shpejtë e Shqipërisë, me Mitajn që pason te Uzuni. Sulmuesi provon me të majtën, por gjuajtja nuk ka koordinatat e duhura dhe shkon jashtë.

52’- Provon Nedim Bajrami me një gjuajtje të fortë nga distanca. Topi prek rrjetën e sipërme.

50’- Ernest Muçi i pafat. Dëmtohet dhe lë fushën e lojës, aktivizohet Arbër Hoxha në vendin e tij.

46’- Menjëherë rrezikshëm Uzuni, që i afrohet golit, por topi që kishte kaluar portierin largohet nga njëri prej mbrojtësve.

45′- Pjesa e dytë nis me dy zëvendësime te Shqipëria. Uzuni dhe Bajrami në fushë, marrin vendin e Dakut dhe Asanit.

Mbyllet pjesa e parë.

45+1’- Çfarë klasi nga Ernest Muçi! Fantazist i afrohet supergolit pas një lëvizje të bukur jashtë zone, por gjuajtja shkon ngjitur me shtyllën.

45’- Akordohet 1 minutë shtesë.

42’- Arlind Ajeti largon një top të rrezikshëm të ukrainasve në hyrje të zonës së Shqipërisë.

40’- Mundësi e artë për ukrainasit për golin e tretë. Mudryk shpërdoron një rast të mirë pranë portës së Strakoshës, duke gjuajtur jashtë.

31’- Arbitri ndal lojën. Mbrojtësi Konoplia shfaq probleme në fushë dhe kërkon ndihmën mjekësore.

26- Strakosha i mohon golin e tretë Ukrainës. Portieri i Shqipërisë reagon mirë ndaj gjuajtjes së Sudakov.

25- Qazim Laçi i afrohet golit. Mesfushori provon me një gjuajtje të fortë në zonë, por topi gjen rrjetën e jashtme.

18’- Mundësi e mirë për kuqezinjtë. Daku merr një top në mesfushë dhe pason për Muçin, por ky i fundit bllokohet nga Zinchenko në zonë.

17’ Zbret rrezikshëm Shqipëria me Asllanin që provon vertikalizimin për Dakun, por topi nuk arrihet nga sulmuesi.

15’- Shqipëria provon të reagojë duke dalë në sulm, por e ka të vështirë për të krijuar raste të pastra.

10’- Gol Ukraina 0-2! Miqtë e nisin takimin vrullshëm me dy gola të shpejtë. Yaremchuk nuk fal në zonë me kokë, duke mposhtur sërish Strakoshën.

5’- Gol Ukraina 0-1! Zhbllokohet sfida. Miqtë kalojnë në avantazh me anë të Zinchenko, i cili me një gjuajtje të bukur, e ndal topin në rrjetë.

0′– Sfida nis me një minutë heshtje për ndarjen nga jeta të 14-vjeçarit, Martin Cani.

20:45, 19 Nëntor 2024 Shqipëri-Ukrainë mbyllet me fitoren e miqve, kuqezinjtë zbresin në Ligën C

FORMACIONET ZYRTARE: SHQIPËRIA: Strakosha, Balliu, Ismajli, Ajeti, Mitaj, Ramadani, Asllani, Laçi, Asani, Muçi, Daku.

UKRAINA: Trubin, Mykolenko, Matviyenko, Zabarnyi, Konoplia, Kaliuzhnyi, Sudakov, Zinchenko, Hutsuliak, Mudryk, Yaremchuk.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit