Nuk ka derbi ndaj Milanit sonte për Lautaro Martinez. Siç u paralajmërua nga trajneri i Interit, Simone Inzaghi, në konferencën para ndeshjes, kapiteni zikaltër, i cili vjen nga një shqetësim muskulor në fleksorë, është dorëzuar për gjysmëfinalen e parë të Kupës së Italisë.

Kjo ndeshje derbi është planifikuar për të mërkurën, me start orën 21:00. Argjentinasi nuk mund ttë rrezikonte përkeqësimin e situatës së dëmtimit, ndaj synon rikthimin në ndeshjen e së shtunës kundër Parmës.

"Bëra maksimumin për të qenë aty, sonte në mbrëmje, por fatkeqësisht koha është e shkurtër, – shkroi “Toro”, i cili është rikthyer në stërvitje në fushë, në një postim në Instagram. – Sezoni është i gjatë dhe objektivat tona janë ende të shumta. Shihemi së shpejti në fushë".