Magazinë
Transmetuar më 26-01-2025, 19:22

Egnatia mposhti 2-0 Vllazninë, në supersfidën e javës së 22-të në Superligë. Triumf i rëndësishëm për rrogozhinasit, që marrin kryesimin e renditjes.

Pritej një ndeshje shumë e luftuar dhe ashtu rezultoi, ndërsa nuk munguan as polemikat. Lushkja zhbllokoi rezultatin në minutën e 18-të me anë të penalltisë.

Shkodranët kërkuan 11 metërsh në minutën e 38-të, për një ndërhyrje ndaj Malës në zonë, por arbitri lejoi vazhdimin e lojës.

Protesta lishte edhe për rastin e minutës së 79-të, ku arbitri fillimisht akordoi penallti për ndërhyrje të Dajsinanit ndaj Mensah, por e anuloi pas rishikimit të pamjeve në VAR.

Në fund ishte Zejnullai, i cili realizoi një supergol nga jashtë zone, për të vulosur shifrat në 2-0.

Me këtë triumf, Egnatia merr kryesimin me 39 pikë, ndërsa Vllaznia me dy pikë më pak mban vendin e katërt.

Zhgënjeu Elbasani që u mposht në shtëpi nga Laçi, me rezultatin 2-1. Kurbinasit iu falën golave të Mjakit dhe Tresës, ndërsa goli i Lilës për verdheblutë në fund, kishte vetëm vlerë statistikore.

Kjo fitore e ngjit Laçin në vendin e shtatë me 23 pikë, ndërsa Elbasani mbetet i pesti me 28 pikë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit