Magazinë
Transmetuar më 03-12-2024, 23:18

GJERMANI – Manuel Neuer ka qenë një ndër emrat e portës që ka pasur ndikim të madh në ndryshimin e rolit të portierit ndër vite. Daljet e tij nga zona, apo loja me këmbë e gardianit gjerman, kanë bërë që shpesh të përdoret si shprehje “dalje si e Neuer”. Por këtë herë portieri e ka tepruar me daljen e tij nga zona në ndeshjen e Kupës së Gjermanisë ku Bayern Mynihut ishte përballë Bajer Leverkusen.

Në minutën e17-të të ndeshjes, ai la zonën e tij për të tentuar të ndalte Frimpong, i cili po mundohej të nisej drejt portës. Një dalje e tepruar e portierit, pasi futbollisti kundërshtar nuk ishte i vetëm dhe kishte pranë mbrojtës.

Por mbi të gjitha, edhe një ndërhyrje me shumë vonesë e portierit, i cili u përplas me Frimpong duke shkaktuar një faull që i solli si ndëshkim kartonin e kuq, duke lënë për një pjesë të madhe të ndeshjes ekipin e tij me një futbollist më pak.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit