Mirësevini në horoskopin e dashurisë për vitin 2025, një udhëtim mes yjeve që do të na udhëheqë në thellësi të ndjenjave dhe marrëdhënieve për të 12 shenjat e zodiakut.

Pavarësisht nëse jeni beqarë në kërkim të një shpirti binjak apo pjesë të një çifti që kërkon një harmoni më të madhe, viti i ri do të sjellë me vete premtime, sfida dhe shumë emocione për të përjetuar.

Le ta zbulojmë së bashku me këtë përkthim ekskluziv nga noa.al.

Dashi (21 Mars – 19 Prill)

Dashuria për ju, i dashur Dashi, do të jetë një udhëtim i egër në vitin 2025. Nëse jeni beqar, përgatituni të përjetoni takime intensive, veçanërisht në muajt e parë të vitit. Megjithatë, kini kujdes nga impulsiviteti juaj: përshtypja e parë nuk është gjithmonë ajo e duhura. Për çiftet këshilla është të punojnë në komunikim. Mos jini kokëfortë, dëgjoni partnerin tuaj dhe përpiquni të ecni përpara duke mos u marrë me detaje anësore.

Demi (20 Prill – 20 Maj)

Viti 2025 ju fton të largoheni nga zona juaj e rehatisë, i dashur Demi. Dashuria do të kërkojë të jeni sa me guxim aq dhe mendjehapur. Beqarët mund të takojnë dikë vërtet të veçantë, por vetëm nëse i lënë barrierat të bien. Për çiftet, ky është një vit konsolidimi: planifikoni së bashku, ndërtoni dhe forconi besimin reciprok. Mos insistoni që gjithmonë të jeni ju ai që duhet të keni të drejtë, ndonjëherë është më mirë ta lini këtë merak mënjanë.

Binjakët (21 maj – 20 qershor)

Për ju, të dashur Binjakë, dashuria në vitin 2025 do të jetë një vorbull emocionesh. Beqarët pritet të jenë protagonistë të flirteve dhe historive magjepsëse, por bëni kujdes të mos shpenzoni energji në situata të paqarta. Për ata që gjenden në çift, do të jetë thelbësore të gjejnë një ekuilibër midis nevojës për liri dhe respektit për partnerin. Mos luani me ndjenjat e të tjerëve: yjet ju këshillojnë të jeni të sinqertë dhe transparentë.

Gaforrja (21 qershor – 22 korrik)

Dashuria në 2025 ju fton të dilni nga guaska juaj, të dashur Gaforre. Nëse jeni beqarë, është koha të lini pas zhgënjimet e së shkuarës dhe t’i hapni vetes mundësi të reja. Yjet tregojnë se pranvera mund të jetë një kohë veçanërisht me fat. Për çiftet, viti do të jetë plot me momente të ëmbla dhe romantike, por shmangni të qenit shumë posesivë: besimi është çelësi për ruajtjen e harmonisë.

Luani (23 korrik – 22 gusht)

2025 është skena e "teatrit" tuaj, i dashur Luan, dhe dashuria nuk do të jetë përjashtim. Beqarët do të tërheqin vëmendjen kudo që të shkojnë, por është e rëndësishme të bëni dallimin midis atyre që janë të magjepsur nga drita juaj dhe atyre që janë vërtet të interesuar për zemrën tuaj. Për çiftet, ky është një vit për të forcuar lidhjen tuaj: surprizoni partnerin/en me gjeste të papritura dhe mos lejoni që krenaria të shkatërrojë momente të veçanta.

Virgjëresha (23 gusht – 22 shtator)

E dashur Virgjëreshë, viti 2025 është viti kur yjet ju kërkojnë të hiqni dorë nga kontrolli i çdo gjëje. Për beqarët, kjo do të thotë të pranoni që dashuria shpesh vjen kur nuk e prisni. Hapeni veten ndaj takimeve dhe lëreni spontanitetin të udhëheqë hapat tuaj. Për ata në çift, është koha për të punuar me besimin dhe për të shmangur kritikat e tepërta. Mos harroni, askush nuk është i përsosur, madje as ju.

Peshorja (23 shtator – 22 tetor)

Për ju, e dashur Peshore, dashuria në vitin 2025 do të jetë një akt balancues. Beqarët mund të takojnë dikë që i plotëson vërtet, por vetëm nëse janë të gatshëm të marrin vendime të qarta dhe të mos mbeten të pezulluar mes dy botëve. Për çiftet, viti do të kërkojë angazhim për të ruajtur harmoninë: komunikoni hapur dhe mos kini frikë të përballeni me konflikte, ato mund të çojnë në një intimitet më të madh.

Akrepi (23 tetor – 21 nëntor)

2025 do të jetë një vit pasioni dhe transformimi për ju, i dashur Akrep. Beqarët do të tërheqin njerëz intensivë, por është e rëndësishme të mos pushtoheni nga marrëdhëniet toksike. Kërkoni thellim në ndjenja, jo vetëm tërheqje fizike. Për ata që janë në çift, ky është një vit për të rinovuar lidhjen tuaj: përballoni sfidat së bashku dhe rizbuloni forcën e dashurisë suaj.

Shigjetari (22 nëntor – 21 dhjetor)

Për ju, i dashur Shigjetar, dashuria në vitin 2025 do të jetë një udhëtim zbulimi. Beqarët do të kenë mundësi të takojnë persona intrigues, sidomos gjatë udhëtimeve apo eventeve të ndryshme. Megjithatë, shmangni ikjen që bëni shpesh kur gjërat bëhen serioze. Për çiftet, viti do të sjellë aventura të përbashkëta: planifikoni përvoja që forcojnë lidhjen tuaj dhe mos e neglizhoni komunikimin.

Bricjapi (22 dhjetor – 19 janar)

2025 ju fton të ulni pak antenat, i dashur Bricjap. Për beqarët kjo do të thotë të jeni më pak kërkues dhe t’u jepni një shans edhe atyre që nuk i plotësojnë të gjitha kriteret tuaja. Për ata që janë në çift, viti do të kërkojë angazhim për të balancuar punën dhe jetën dashurore. Mos e vendosni partnerin në plan të dytë: dashuria kërkon kohë dhe përkushtim.

Ujori (20 janar – 18 shkurt)

Për ju, të dashur Ujorë, dashuria në vitin 2025 do të jetë një përzierje origjinaliteti dhe thellësie. Beqarët do tërheqin personat simpatikë me ekscentricitetin e tyre, por bëni kujdes të mos ngatërroni diversitetin me afinitetin. Për çiftet, ky është një vit për të eksploruar dimensione të reja të marrëdhënies: inovacioni dhe dialogu do të jenë çelësat e suksesit.

Peshqit (19 shkurt – 20 mars)

Dashuria në 2025 ju fton të ëndërroni të mëdha, të dashur Peshq. Beqarët do kenë mundësi të jetojnë histori përrallore, por e rëndësishme është që të mos idealizojnë shumë tjetrin. Për çiftet viti do të sjellë momente romantike të mrekullueshme, por edhe nevojën për të adresuar çdo keqkuptim. Mos kini frikë të shprehni ndjenjat tuaja: sinqeriteti është çelësi i dashurisë së qëndrueshme. /noa.al