Lezhë, 3 Shtator 2024/noa.al – Të paktën tetë persona janë plagosur në një aksident rrugor që ndodhi sot herët në mëngjes.

Ngjarja dramatike ndodhi rreth orës 05:30, në aksin rrugor “Lezhë-Shkodër”, në vendin e quajtur “Kryqëzimi i Dajçit”, raporton noa.al.

Automjeti i Repartit Ushtarak Vau i Dejës, me drejtues shtetasin B. N., është përplasur me automjetin autobot, me drejtues shtetasin N. P.

Si pasojë e aksidentit janë dëmtuar gjashtë ushtarakë, të gjithë të rinj. Ata janë Gj. H., 33 vjeç, R. D., 57 vjeçe, E. Q., 23 vjeç, J. B., 28 vjeç, D. L., 29 vjeç dhe D. K., 27 vjeç, banues në Shkodër.

Këta ushtarakë ishin pasagjerë në automjetin që drejtonte shtetas B. N..

Edhe dy drejtuesit e mjeteve kanë marrë lëndime të ndryshme.

Që të gjithë të plagosurit janë dërguar në spital, për ndihmë mjekësore, jashtë rrezikut për jetën.

Automjeti i Repartit Ushtarak ishte nisur në drejtim të Mirditës, për të ndihmuar në shuarjen e zjarreve.

Grupi hetimor në vendngjarje po punon për sqarimin e rrethanave të aksidentit./noa.al