Alarm në kampin e Milanit, pak orë para transfertës së mbrëmshme kundër Napolit, e fituar 2-1 nga vendësit. Ruben Loftus-Cheek, i cili pritej të ishte titullar përkrah Bondo dhe Reijnders, ka ndjerë dhimbje të forta abdominale. Kontrollet mjekësore zbuluan një apendicit akut të komplikuar me absces, duke e detyruar mesfushorin të heqë dorë nga ndeshja dhe t’i nënshtrohet menjëherë një operacioni.

Ndërhyrja kirurgjikale, e kryer në Napoli në mënyrë laparoskopike nga profesori Francesco Corcione dhe ekipi i tij, ishte plotësisht i suksesshëm. Pas disa ditësh rikuperimi, Loftus-Cheek do të rikthehet në Milano, por për t’u kthyer në fushë do të duhet të presë rreth një muaj.

Sezoni i tij vazhdon të jetë i trazuar. Që prej ardhjes nga Chelsea, ai ka luajtur vetëm 22 ndeshje (1029 minuta), duke humbur 14 ndeshje për shkak të dëmtimeve. Tani, Loftus-Cheek do të mungojë në dy derbit e Kupës së Italisë dhe në 4 ose 5 ndeshje të Serie A, përfshirë sfidën e mbrëmshme ndaj Napolit. Rikthimi i tij mund të ndodhë më 27 prill kundër Venezia, ose më 4 maj ndaj Genoa.