Sarandë – 17-vjeçari godet me thikë bashkëmoshatarin në mes të ditës, ndalohet nga lolicia

Një ngjarje e rëndë ka ndodhur mesditën e sotme në qytetin e Sarandës, ku një 17-vjeçar ka goditur me mjet prerës (thikë) një bashkëmoshatar të tij gjatë një konflikti për motive ende të paqarta.

Incidenti ndodhi rreth orës 13:40, në rrugën “Butrinti”, ku të rinjtë janë përfshirë në një përplasje fizike që përfundoi me plagosjen e njërit prej tyre.

I dëmtuari ndodhet aktualisht në spital, nën kujdesin e mjekëve, ndërsa gjendja e tij nuk raportohet ende zyrtarisht.

Pas reagimit të shërbimeve të Komisariatit të Policisë Sarandë, autori i dyshuar është kapur dhe shoqëruar në ambientet e policisë për veprime të mëtejshme procedurale.

Grupi hetimor po vijon punën për zbardhjen e plotë të rrethanave të ngjarjes, ndërsa pritet edhe ekspertiza mjekësore për vlerësimin e plagëve të të miturit të lënduar.