Princi Harry shpalli sot se ka dhënë dorëheqjen nga organizata bamirëse që ai themeloi në vitin 2006, pak pasi kishte përfunduar shkollën e mesme.

Organizata “Sentebale”, që ai themeloi së bashku me Princin Seeiso të Lesotos, synonte të ndihmonte fëmijët dhe të rinjtë vulnerabël në Lesoto dhe Botsvanë.

Dorëheqja e tij lidhet me mosmarrëveshje të brendshme që çuan në largimin e disa anëtarëve të bordit drejtues. Sipas burimeve pranë organizatës, Princi Harry është ndier i zhgënjyer dhe i tronditur nga zhvillimet e fundit.

Vendimi për t’u tërhequr nga roli i mbrojtësit dhe përfaqësuesit të “Sentebale” vjen pas një periudhe të trazuar për organizatën, e cila ka qenë nën vëzhgim për transparencën dhe drejtimin e saj. /noa.al