

Rastet e gurëve në veshka janë në rritje te fëmijët, dhe disa profesionistë të shëndetit fajësojnë një faktor të njohur: ushqimet ultra të përpunuara. Ndërkohë, ekspertë të tjerë sugjerojnë se rritja e këtyre rasteve mund të lidhet me faktorë gjenetikë, ushqyerje të dobët dhe mungesë të konsumit të mjaftueshëm të ujit.
Një studim i vitit 2016, i botuar në Clinical Journal of the American Society of Nephrology, analizoi incidencën e gurëve në veshka te adoleshentët me moshë 15-19 vjeçare në Karolinën e Jugut gjatë periudhës 1997-2012. Studiuesit gjetën një rritje të theksuar prej 28% te vajzat dhe 23% te djemtë gjatë një periudhe pesëvjeçare.
Një pjesë e kërkimeve sugjerojnë se predispozita gjenetike mund të luajë një rol të rëndësishëm, por shumica e ekspertëve theksojnë se kjo rritje ka shumë të ngjarë të jetë e lidhur me zakonet ushqimore dhe stilin e jetesës. “Sot ka shumë kripë të shtuar në dietën amerikane, dhe kur veshka ekskreton natriumin, ajo tërheq kalcium me vete, duke rritur rrezikun e formimit të gurëve në veshka,” ka shpjeguar John S. Wiener, urolog pediatrik në Duke Health.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd