Tirana është tronditur sonte nga një krim mafioz në mes të rrugës pasi autorë të panjohur hapën zjarri me armë në drejtim të një makine duke i marrë jetën personit që gjendej brenda saj në lëvizje.

Sipas dëshmitarëve në vendngjarje viktima e ka emrin Bujar Nasufi, raporton noa.al.

Këtë e konfirmoi dhe policia e cila tha ee sonte, rreth orës 20:40, tek “Pallati me Shigjeta” në rrugën “Myrte Zeneli” është qëlluar me armë zjarri në drejtim të një automjeti me drejtues shtetasin Bujar Nasufi rreth 56 vjeç, i cili si pasojë ka humbur jetën.

Autorët duket se kanë arritur të largohen me shpejtësi pasi e kanë qëlluar burrin hipur mbi një motor dhe pasi e vranë, u zhdukën në pak çaste duke marrë drejtimin në Selitë.

Policia tha se mbi viktimën ishte qëlluar gjashtë herë pasi në vendngjarje u gjetën gjashtë gëzhoja.

I ndjeri ishte pronar i një mobilerie në zonën ku u vra.

Një grup i posaçëm hetimor, nën drejtimin e Prokurorisë, ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.

Shërbimet e Policisë kanë ngritur pika kontrolli dhe po ushtrojnë kontrolle në zonë për kapjen e autorit.

Informacion më të detajuar mbi këtë ngjarje pritet në vijim pas veprimeve hetimore paraprake.