Korçë: 65-vjeçarja në gjendje të rëndë pasi u përplas nga makinë në Bulgarec – drejtuesi largohet nga vendngjarja

Një aksident i rëndë ka ndodhur rreth orës 17:40 të së shtunës, në aksin rrugor “Maliq–Korçë”, në fshatin Bulgarec, raporton noa.al.

Një automjet ende i paidentifikuar ka përplasur një këmbësore, shtetasen S. Q., rreth 65 vjeç, banuese në Bulgarec, dhe më pas është larguar nga vendi i ngjarjes.

E plagosura është dërguar me urgjencë në spital, ku po merr ndihmë mjekësore dhe ndodhet në gjendje të rëndë për jetën.

Grupi hetimor, nën drejtimin e Prokurorisë, po punon për identifikimin e automjetit dhe drejtuesit të tij, me qëllim kapjen dhe vënien përpara drejtësisë, si dhe për zbardhjen e rrethanave të aksidentit. /noa.al

UPDATE:

Humbi jetën gruaja që u përfshi në aksident, policia: Kërkojmë një djalë të ri që mori arratinë

Foto arkiv