Magazinë
Transmetuar më 29-11-2024, 11:43

Francesco Totti, ish-kapiteni legjendar i Romës, përballet me një tjetër hetim nga Prokuroria e Romës për mosdeklarim të të ardhurave, sipas gazetës “La Verità”. Ai akuzohet për shkeljen e nenit 5 të dekretit legjislativ 74/2000, që parashikon dënime nga 2 deri në 5 vite burg për evazion fiskal. Në qendër të çështjes janë të ardhurat nga reklamat, për të cilat Totti nuk kishte hapur nipt të veçantë të TVSH-së, duke rezultuar në borxhin e shtuar 200.000 euro për shkak të gjobave dhe interesave.

Ky hetim vjen pas një çështjeje të mëparshme për braktisje të të miturit, lidhur me konfliktin personal me ish-bashkëshorten, Ilary Blasi. Gjithashtu, “La Repubblica” raportoi në qershor se problemet e tij me tatimet arrinin në 1.5 milion euro, për shkak të mosdeklarimit të ardhurave për 5 vite.

Megjithëse Totti ka paguar një pjesë të borxhit, Prokuroria e ka përfshirë në regjistrin e të dyshuarve. Hetimet nuk lidhen me akuzat për fondet e pretenduara jashtë vendit, por janë rezultat i kontrolleve rutinë të “Guardia di Finanza”. Tani, pritet që Totti të japë shpjegime për hetimin aktual, pastaj prokurorët do të vendosin për çështjen.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit