Magazinë
Transmetuar më 23-11-2024, 14:19

Të martën e 26 nëntorit, deputetë dhe militantë të Partisë Demokratike do të zhvillojnë protestën e radhës, të thirrur nga ish-kryeministri Sali Berisha.

Berisha ka kërkuar protestën, si kundër-përgjigje, për vendimin e Gjykatës Kushtetuese, e cila rrëzoi kërkesën e tij për heqjen e masës së sigurisë “arrest shtëpie”, që e ka lënë atë të mbyllur në banesë që prej 30 dhjetorit të vitit 2023.

Protesta do të mbahet në orën 17:00, teksa nuk dihet ende nëse do jetë thjesht grumbullim para kryeministrisë dhe institucioneve të tjera, apo do të ketë bllokime rrugësh, si në rastet e fundit.

“Me datën 26 është protesta tjetër kombëtare, më e fuqishmja që ka njohur Shqipëria”, u shpreh Berisha, një ditë më parë.

Sali Berisha nuk pajtohet me vendimin e trupës se gjyqtarëve kushtetues, që i dhanë më shumë të drejtë SPAK kur vendosi të anashkalojë Kuvendin për masat e para shtrënguese të marra ndaj tij, atë të detyrimit te paraqitjes dhe ndalimit të daljes jashtë vendit edhe pse këtë të fundit, Kushtetuesja e vlerësoi si jo proporcionale.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit