Një shpërthim i fuqishëm ka ndodhur në bordin e një varke turistike në afërsi të ishullit Maiton, pranë Phuket-it në Tajlandë, mëngjesin e së martës, më 1 prill 2025.

Sipas raportimeve të mediave lokale, pas shpërthimit në motor, anija u përfshi nga flakët, duke shkaktuar panik mes pasagjerëve.

Në momentin e incidentit, në bord ndodheshin 36 turistë, shumica nga Rusia dhe Kazakistani. Për t’u shpëtuar flakëve, shumë prej tyre u hodhën në det, ku më pas u shpëtuan nga një tjetër varkë që ndodhej pranë vendit të ngjarjes.

Nga ngjarja, 6 persona u plagosën, përfshirë 3 turistë dhe 3 anëtarë të ekuipazhit, përfshirë kapitenin. Dy prej të plagosurve raportohet të kenë djegie më të rënda.

Autoritetet kanë nisur hetimet për të përcaktuar shkaqet e sakta të shpërthimit, ndërsa pamjet nga vendi i ngjarjes janë tronditëse.