Ekipi kinez i emergjencave nga provinca Yunnan shpëtoi sot në 5 të mëngjesit me sukses një person të bllokuar për rreth 40 orë në spitalin Ottara Thiri të qytetit Naypyidaw të Mianmarit.

Ai ishte i prekuri i parë që u shpëtua nga ekipi i emergjencave nga Yunnani, pas mbërritjes në zonat e goditura nga tërmeti në Mianmar.

Siç mësohet, vetëm 18 orë pas tërmetit, ky ekip me 37 veta nga provinca Yunnan e Kinës Jugperëndimore mbërriti në Yangon, duke u bërë ekipi i parë ndërkombëtar i ndihmave që mbërriti në Mianmar.

Misioni i kërkim – shpëtimit në Ottara Thiri është misioni i parë për këtë ekip ndihmash nga Kina.

Në aksionin e ndihmave, morën pjesë edhe gazetarët e CMG-së, të cilët ofruan ndihmë në përkthimin mes gjuhës kineze dhe asaj lokale.