Argjentinë-Brazil nuk është kurrë një ndeshje e zakonshme, edhe kur bëhet fjalë vetëm për fazën kualifikuese të Kupës së Botës 2026, e cila do të zhvillohet në Kanada, Meksikë dhe SHBA. Duke përfituar nga momenti i vështirë që po kalon Seleçao, kampionët e botës në fuqi e mposhtën Brazilin pa shumë probleme, me rezultatin 4-1, duke forcuar kryesimin e tyre në grup.

Një rivalitet historik, që u ndez edhe më shumë në fushë nga Leandro Paredes, i cili kërkoi të provokonte Rodrygon duke i kujtuar trofetë e fituar nga Albiceleste në vitet e fundit. Pamjet tashmë janë “virale” në rrjetet sociale.

Ashtu siç ndodhi më parë me francezin Guendouzi gjatë një derbi mes Lazios dhe Romës, duke iu referuar finales së Kupës së Botës në Katar, në dhjetor 2022, Leandro Paredes gjeti rastin t’i kujtojë Rodrygos sukseset e tij me kombëtaren.

Sulmuesi i Real Madridit nuk arriti ta ndihmonte Brazilin, ashtu si edhe shoku i tij i skuadrës Vinicius Jr. Gjatë një përplasjeje në fushë, mesfushori i Romës e provokoi hapur rivalin. "Unë kam fituar një Kupë Bote dhe dy ‘Copa América’, po ti? Zero", – ia përsëriti disa herë, duke ndezur më tej tensionet.

Një sfidë e zjarrtë, ku nuk munguan momentet e tensionit, si përplasja mes Otamendit dhe Raphinhas, që solli ndër mend përballjet e fundit mes Benfikës dhe Barcelonës. Sidoqoftë, Argjentinë-Brazil nuk është kurrë një ndeshje e zakonshme.

Për Seleçaon, kjo ishte humbja e katërt në pesë përballjet e fundit kundër rivalëve të mëdhenj historikë, ndërsa Argjentina ka siguruar tashmë kualifikimin dhe është gati për Kupën e Botës në SHBA.

"Zjarr", me top dhe pa top 𝟒-𝟏

𝐏𝐚𝐫𝐞𝐝𝐞𝐬 𝐢 𝐭𝐡𝐚 𝐑𝐨𝐝𝐫𝐲𝐠𝐨𝐬: "Unë i kam DY Copa America dhe një Kupë Bote, ti ZERO"

𝐕𝐢𝐧𝐢𝐜𝐢𝐮𝐬 𝐮 𝐝𝐫𝐞𝐣𝐭𝐨𝐡𝐞𝐭 𝐤𝐚𝐦𝐩𝐢𝐨𝐧𝐞̈𝐯𝐞 𝐭𝐞̈ 𝐛𝐨𝐭𝐞̈𝐬: "I kam 2 tituj të Ligës së Kampionëve"