Të dhënat po ngarkohen...
Transmetuar më 25-03-2025, 08:52
Një nga momentet më të ndjera të mbrëmjes në shtëpinë e Big Brother VIP Albania 4 ka qenë darka mes Gjesti dhe Eglit, ku ata patën një bisedë të thellë për të sqaruar marrëdhënien e tyre të ndërlikuar.
Gjesti i kërkoi ndjesë Eglit për gabimet e tij dhe për lotët që ajo kishte derdhur për shkak të sjelljes së tij, duke e pranuar hapur se nuk ka qenë i drejtë, por se lidhja dhe energjia mes tyre ka qenë e veçantë.
Ai e përshkroi Eglin si një krah mbështetjeje dhe një person me të cilin ka ndarë momente të sinqerta, të cilat nuk i ka përjetuar me askënd tjetër në shtëpi.
“Më shumë se kam qeshur me ty, nuk kam qeshur me askënd tjetër. E kam ndjerë energjinë”, u shpreh Gjesti, ndërsa theksoi se e ka parë Eglin si dikë që meriton një partner të pjekur dhe të besueshëm.
Darka përfundoi me një ndjesi reflektimi nga të dyja palët, ndërsa Gjesti pranoi se prezenca e Eglit i ka munguar gjatë kohës së qëndrimit në shtëpi dhe e falënderoi për mbështetjen që ajo i ka dhënë.
Ky moment prekës sjell një kthesë emocionale në dinamikën mes tyre dhe lë të hapur pyetjen: A do të rinisë një kapitull i ri mes Gjesti dhe Eglit?
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd