Pogradec, 29 Mars 2025 – Një ngjarje e rëndë ka ndodhur në lagjen nr. 3 të qytetit të Pogradecit, rreth orës 20:20. Sipas informacioneve paraprake, një konflikt fizik mes dy shtetasve ka përfunduar me lëndimin e njërit prej tyre.

Shtetasi L. O. dyshohet se ka goditur me mjet prerës shtetasin M. T., 36 vjeç, i cili është dërguar menjëherë në spital për të marrë ndihmë mjekësore. Gjendja e tij shëndetësore ende nuk dihet.

Forcat e Policisë vijojnë kërkimet për kapjen e shtetasit L. O., i cili është larguar nga vendngjarja pas incidentit.

Grupi hetimor, nën drejtimin e Prokurorisë, po punon për zbardhjen e plotë të rrethanave të ngjarjes dhe dokumentimin ligjor të saj.