Nuk është kuriozitet interneti, por një rast unikal në Shqipëri. Një rrugë nacionale e ndarë në dy pjesë ka në mes një shtëpi banimi.

Bëhet fjalë për këtë shtëpi në Klos, e cila u rrethua nga rrugët automobilistike që prej ndërtimit të rrugës së Arbrit.

E zonja e shtëpisë, Mane Cakoni shprehet se autoritetet nuk i dhanë asnjë zgjidhje për t’u shpërngulur nga aty, teksa akuzon Ministren e

Infrastrukturës dhe Energjisë Belinda Ballukun dhe kompaninë që ka ndërtuar rrugën e Arbrit.

Në vend të një dëmshpërblimi nga shteti për t’u shpërngulur nga vendi i banimit plot rrezik, Zonja Mane thotë se janë mjaftuar duke i thënë se nuk po i prishin banesën.

Mane Cakoni u bën apel institucioneve që ta zgjidhin problemin e saj, pasi jeta e të gjithë familjarëve është në rrezik të madh nga dy rrugët që i kanë rrethuar banesën.