Magazinë
Transmetuar më 16-01-2025, 13:54

Një vrasje me armë zjarri ka ndodhur ditën e sotme në pyllin e fshatit Tërnovë e Vogël në Bulqizë. Vasil Kamberi është qëlluar me armë zjarri nga i afërmi i tij Flamur Kamberi. Ky i fundit është shoqëruar në komisariatin e Policisë.

Në foto është viktima Vasil Kamberi.

Sipas informacioneve paraprake policore, 36-vjeçari si pasojë e plagëve të marra, ka humbur jetën gjatë transportimit me helikopter për në spital. Ende nuk dihen shkaqet që sollën krimin e rëndë, ndërsa policia ndodhet në vendin e ngjarjes.

Njoftimi i policisë:

Me datë 16.01.2025, rreth orës 12.00, është marrë njofim se në pyllin e fshatit Tërnovë e Vogël në Bulqizë, është plagosur me armë gjahu (çifte), shtetasi V.K., 36 vjeç, i cili si pasojë e plagëve të marra, ka humbur jetën gjatë transportimit me helikopter për në spital.

Nga veprimet e para hetimore, ka rezultuar se autori i dyshuar i ngjarjes është shtetasi F.K., 34 vjeç (i afërm me shtetasin V.K.), i cili është shoqëruar në Komisariatin e Policisë për veprime të mëtejshme.

Grupi hetimor nën drejtimin e Prokurorisë vijon veprimet në vendngjarje për sqarimin dhe dokumentimin e plotë ligjor të kësaj ngjarjeje.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit