Magazinë
Transmetuar më 15-01-2025, 08:04

Neymar Junior duket shumë pranë largimit nga Al Hilal. Kontrata e yllit brazilian përfundon më 30 qershor dhe nuk ka asnjë sinjal që të lë të mendosh për qëndrimin e tij te klubi saudit, sidomos duke pasur parasysh një detaj të rëndësishëm: ish-lojtari i PSG-së dhe Barcelonës është përjashtuar nga lista e lojtarëve të huaj, të lejuar të marrin pjesë në “Saudi Pro League”.

Një tjetër pikë lidhet me interesimet nga jashtë dhe kontaktet e pretenduara. Emri i Neymarit, muajt e fundit është përmendur te Santosi dhe Inter Miami. Rikthimi në Brazil do të ishte shumë tërheqës për një lojtar si ai, që ka shpërthyer me fanellën bardhezi.

Sa i përket klubit amerikan, ku luan miku dhe ish-shoku i tij i skuadrës, Lionel Messi, transferimi është i kufizuar nga rregullat e kufirit të pagave. Aktualisht, Inter Miami nuk mund t’i bëjë një ofertë konkrete.

Sulmuesi 32-vjeçar do të kalojë muajt e fundit në Arabinë Saudite, siç është përcaktuar në kontratën e tij me Al Hilal, megjithëse me kufizime për sa i përket mundësisë për të luajtur. Sipas raportimeve nga “Footmercato”, trajneri Jorge Jesus planifikon të sjellë një anësor të ri gjatë kësaj merkatoje dimërore: "Do të kërkojmë të sjellim një anësor të huaj nën moshën 22 vjeç, sidomos sepse kemi shumë ndeshje në periudhën e ardhshme".

Gjithsesi, tekniku portugez nuk dha detaje të tjera, por ky fakt nuk përbën domosdoshmërisht lajm të mirë për ish-lojtarin e PSG-së.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit