Magazinë
Transmetuar më 26-12-2024, 11:38

Kylian Mbappé duket se i ka kaluar problemet e fillimit të përshtatjes dhe ka hyrë në "modalitetin Cristiano Ronaldo". Sulmuesi francez është kritikuar shumë gjatë muajve të parë si lojtar i Real Madridit, por ka bërë më mirë se portugezi.

CR7 e mbylli vitin 2009 (atë debutues me “Los Blancos”) me 13 gola, ndërsa ish-lojtari i PSG-së ka një gol më shumë dhe është barazim me Vinicius Junior, lideri aktual i sulmit merengues. Një statistikë që jep shpresë për të ardhmen, veçanërisht kur të vijnë ndeshjet e rëndësishme, pasi Mbappé ka shënuar në të dyja finalet që ka luajtur: atë të Superkupës Europiane kundër Atalantës dhe të Kupës Interkontinentale kundër Pachuca.

Krahasimi me Ronaldon, natyrisht, ndalet këtu, pasi nuk mund të krahasohen këto 6 muaj me 9 vitet e jashtëzakonshme të portugezit në kryeqytetin spanjoll (450 gola të shënuar në 438 ndeshje). Gjithsesi, i gjithë Real Madridi tani shpreson që fundi i periudhës së adaptimit të francezit të sjellë të famshmin "efekt ketchup" për sa iu përket golave.

Ronaldo e përfundoi sezonin e tij të parë në Spanjë me 33 gola. A do të arrijë Kylian Mbappé ta bëjë të njëjtën gjë, apo edhe më mirë? Duhet pritur fundi i majit 2025 për t’i dhënë përgjigjë të saktë kësaj pyetjeje.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit