Magazinë
Transmetuar më 11-12-2024, 20:19

Alarmi ka rënë në Selanik pasi një motoçiklist 23-vjeçar është qëlluar me plumb në bark pas një ndjekjeje

GREQI- Një 24-vjeçar me origjinë shqiptarë është qëlluar mbrëmjen e sotme në Selanik me një plumb në bark.

Raportohet se 24-vjeçaril, Ronaldo Pecaku është dërguar në spitalin AHEPA i lënduar rëndë. I riu kishte dalë nga burgu muajin e kaluar, thanë mediat e Selanikut.

Sipas mediave greke, autori ka ndjekur me motor 24-vjeçarin në Egnatia Odos dhe e ka qëlluar pak para se të arrinin në rrugën me pagesë të Oreokastros.

I riu ka qenë duke lëvizur me motorin e tij dhe siç raportojnë mediat vendase, për një arsye të panjohur një tjetër motoçiklist e ka ndjekur dhe e ka qëlluar duke e plagosur në bark, tha policia lokale.

I plagosuri ka arritur të ecë drejt kabinës së pagesës, dhe më pas është rrëzuar.

Punonjës e kalimtarë kanë njoftuar ambulancën dhe policinë. Kjo e fundit ka nisur hetimet lidhur me ngjarjen.

Sipas informacioneve, Pecaku është një person me precedentë penalë, i cili ishte dënuar për vjedhje dhe është liruar nga burgu një muaj më parë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit