Magazinë
Transmetuar më 02-12-2024, 13:23

Bayern Munich rrezikon ta humbasë për një kohë të gjatë qendërsulmuesin e vet, anglezin Harry Kane. Ai u ndal në ndeshjen e madhe të së shtunës në Bundesliga, kundër Borussia Dortmund, pak para mbylljes së pjesës së parë. Për numrin 9 të kombëtares së “Tre Luanëve”, problemi mund të jetë serioz, duke kërkuar disa javë trajtim.

Së fundi, Bayern Munich publikoi një deklaratë mbi gjendjen fizike të tij, ku thuhej: "Harry Kane pësoi një çarje të vogël në fibrën muskulore, në pjesën e pasme të kofshës së djathtë, gjatë ndeshjes së Bundesliga-s kundër Borussia Dortmund. Ky është rezultati i një ekzaminimi nga departamenti mjekësor i FC Bayern. Kjo do të thotë se Bayernit fillimisht do t’i duhet të bëjë pa 31-vjeçarin Harry Kane".

Edhe trajneri i tij, Vincent Kompany, foli për këtë: "Harry tha se nuk është një dëmtim aq i rëndë, por do të duhet të bëjë disa kontrolle".

Të martën është ndeshja e Kupës së Gjermanisë kundër Bayer Leverkusen: "A do të jetë i gatshëm të martën? Do të jetë një ndeshje shumë e fortë. Nuk njoh shumë lojtarë që rikuperohen kaq shpejt, por do të shohim. Golat e shënuar nga Harry Kane janë të pazëvendësueshëm, por kemi besim tek e gjithë skuadra". Kane ka shënuar 19 gola në 12 ndeshje të Bundesliga-s këtë sezon.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit