Magazinë
Transmetuar më 22-08-2024, 13:48

Një automjet me targa të Maqedonisë së Veriut është përfshirë në një aksident automobilistik në afërsi të qytetit të Librazhdit.

Aksidenti sipas burimeve ndodhi rreth orës 12.40 në vendin e quajtur Murrash, në aksin e rrugës kombëtare Librazhd -Elbasan. Automjeti me targa të Shkupit u përplas në rrethana ende të paqarta me një automjet tjetër. Për pasojë automjetet u shkatërruan pjesërisht.

Ndërkaq drejtuesi i automjetit me targa të Shkupit si edhe bashkëshortja dhe dy fëmijët kanë mbetur të dëmtuar me plagë të lehta. Ata janë transportuar me urgjencë për trajtim mjekësor në repartin e kirurgjisë në Spitalin Rajonal të Elbasanit dhe janë jashtë rrezikut për jetën.

Policia ka dokumentuar ngjarjen për të përcaktuar shkaqet që sollën aksidentit si edhe ka disiplinuar qarkullimin e dendur në këtë aks rrugor i cili u bllokua përkohësisht pas aksidentit.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit