Një aksident i rëndë me pasojë plagosjen e rëndë të një këmbësoreje është regjistruar rreth orës 17:40 në aksin rrugor Maliq–Korçë, në afërsi të fshatit Bulgarec.

Sipas burimeve zyrtare, një automjet ende i paidentifikuar ka përplasur shtetasen S. Q., rreth 65 vjeç, banuese në Bulgarec, dhe më pas është larguar nga vendngjarja.

E moshuara është transportuar me urgjencë në spital, ku po merr ndihmë mjekësore. Mjekët bëjnë me dije se ajo ndodhet në gjendje të rëndë për jetën.

Grupi hetimor, nën drejtimin e Prokurorisë, ka nisur menjëherë hetimet për identifikimin e automjetit dhe drejtuesit, me qëllim kapjen dhe vënien përpara drejtësisë të autorit të ngjarjes. Ndërkohë, po punohet për zbardhjen e plotë të rrethanave dhe shkaqeve të aksidentit.