Harry Kane, sulmuesi i Bayern Munich dhe kundërshtari i ardhshëm i Interit në çerekfinalet e Champions League, ka folur për mikrofonat e “ESPN” lidhur me fundin e sezonit dhe sfidën ndaj zikaltërve:

“Objektivi ynë është suksesi dhe për ta arritur na nevojitet ndihma e të gjithëve. Tani do t’iu vijë radha atyre që kanë luajtur më pak, por nuk kërkojmë justifikime, sepse të gjithë janë prekur nga dëmtimet dhe mungesat.

Kemi ditur t’i menaxhojmë mirë këto situata gjatë gjithë sezonit, tani nuk është momenti të ndalemi. Kam pothuajse gjithë jetën që ëndërroj ta fitoj Champions-in, po ta arrija këtë në shtëpi, në ‘Allianz Arena’, do ta bënte suksesin edhe më të veçantë".

Më tej, Kane ka folur për sfidën me Interin: “Mendoj se është emocionuese të kesh mundësinë ta realizosh diçka të tillë, ta luash finale e Champions-it në shtëpi, por përpara nesh janë dy ndeshje të mëdha dhe të forta kundër Interit. Duhet të jemi të përgatitur, duke ditur që kur jemi në formë, mund të mposhtim këdo.

E kemi treguar tashmë, por këtu bëhet fjalë për të qenë të qëndrueshëm në të dyja ndeshjet, vajtje dhe kthim. Pastaj do të shohim deri ku mund të arrijmë. Pa dyshim, fakti që dimë se çfarë do të thotë për tifozët ta luajnë finalen në Mynih, na jep motivim shtesë".

Tabloja e plotë e çerekfinaleve të Champions League 2024-2025:

📆 Ndeshjet çerekfinale: 8/9 dhe 15/16 prill 2025

Paris Saint-Germain (FRA) – Aston Villa (ENG)

Arsenal (ENG) – Real Madrid (ESP)

Barcelona (ESP) – Borussia Dortmund (GER)

Bayern Munich (GER) – Inter (ITA)

📆 Ndeshjet gjysmëfinale: 29/30 prill dhe 6/7 maj 2025

Gjysmëfinalja 1: Fituesi i çerekfinales 2 – Fituesi i çerekfinales 1

Gjysmëfinalja 2: Fituesi i çerekfinales 3 – Fituesi i çerekfinales 4

📝 Finalja do të luhet në "Allianz Arena", Mynih, shtëpia e Bayern Munich, një motiv shtesë për Harry Kane dhe bavarezët.