Shkodër, 29 mars 2025 – Policia ka sekuestruar dy armë zjarri të tipit pushkë dhe municion luftarak gjatë një kontrolli në një banesë në fshatin Dajç, e cila ishte në përdorim nga një i arrestuar për vepra penale të mëparshme.

Hetimet zbuluan se armët i përkisnin M. T., i arrestuar më 26 mars 2025 së bashku me D. S. për prodhim dhe shitje narkotikësh, vjedhje dhe mosbindje ndaj urdhrit të policisë. Banesa ku u gjetën armët është në pronësi të shtetasit G. V., i cili aktualisht ndodhet në Itali.

Materialet hetimore janë dorëzuar në Prokurorinë e Shkodrës, ndërsa M. T. po hetohet për akuzën e “Mbajtjes pa leje të armëve dhe municionit luftarak”.