Marcus Thuram do të mungojë në dy ndeshjet e “Nations League” mes Francës dhe Kroacisë më 20 dhe 23 mars. I përfshirë në listën e 24 të grumbulluarve të "gjelave", sulmuesi zikaltër u paraqit të hënën pasdite në “Clairefontaine”, ku u ekzaminua nga doktori Franck Le Gall para se t’iu nënshtrohej testeve të hollësishme mjekësore.

Kontrollet konfirmuan problemin e njohur në kyçin e majtë të këmbës, i cili prej disa javësh po ndikon edhe në performancën e tij me fanellën e Interit. Në komunikatën e Federatës Franceze të Futbollit thuhet se lojtari "vuan nga dhimbje të përsëritura në kyçin e këmbës", shqetësim që e ka shtyrë trajnerin Didier Deschamps ta kthejë në shtëpi.