Magazinë
Transmetuar më 23-11-2024, 19:23

Superiorja zhvilloi këtë pasdite dy ndeshje të vlefshme për javën e 14-të. Vllaznia triumfoi 2-1 ndaj Teutës, në takimin e mbajtur në “Loro Boriçi”.

Ndeshja nisi me ritëm të lartë, teksa pas 5 minuash lojë, portieri i durrsakëve shkakton penallti, por gjyqtari Xhaja e anulon pas një rishikimi me VAR.

Të besuarit e Brdaric shkuan në dhomat e zhveshjes në avantazh. Bajrami realizoi me kokë në të 45-tën, duke ndezur kështu festën e tifozërisë në shkallët e stadiumit.

Skuadra e Edi Martinit e nisi me shumë dëshirë pjesën e dytë dhe barazoi llogaritë në të 66-tën. Një goditje fantastike nga distanca e Naser, ishte e pamundur për t’u arritur nga “gardiani” vendas.

Vllaznia shënoi golin e dytë në minutën e 90-të me Grudën, duke marrë kështu 3 pikë të arta.

Me këtë rezultat, Vllaznia kryeson me 25 pikë ndërsa në sfidën e radhës do luajë në Ballsh ndaj Bylis.

Teuta është në vendin e gjashtë me 17 pikë, sakaq në sfidën e radhës gjen Dinamon.

Në Korçë, Skënderbeu barazoi 2-2 me Dinamon. Itodo shënoi për dinamovitët por vendasit përmbysën gjithçka me Çuçka dhe Rashica. Goli i Lorenco Vilës në pjesën e dytë “vulosi” shifrat në 2-2. Skënderbeu është në vendin e 8-të, ndërsa Dinamo është në vendin e 3-të.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit