Magazinë
Transmetuar më 05-10-2024, 09:55

Pas dëmtimit të rëndë në gju të Gleison Bremer, i cili e mbylli këtu sezonin, vjen një lajm i mirë për Juventusin. Skualifikimi 4-vjeçar i Paul Pogba për përdorim dopingu, në fakt u reduktua në 18 muaj, pasi futbollisti francez iu drejtua CAS-it në Lozanë. Kjo është raportuar nga “Sport Mail”, e cila shton se ish-lojtari i Manchester United është gati të kthehet në fushë më 11 mars 2025.

I pezulluar nga ANT më 11 shtator 2023, ai u dënua me 4 vite pezullim nga futbolli më 1 mars 2024. Është e vështirë në këtë moment të bësh ndonjë parashikim se kur mund të rikthehet në fushë për ndeshjen e parë zyrtare, por sigurisht që duhet të presë për t’u stërvitur nën urdhrat e Thiago Motta. Kjo është e ndaluar për të skualifikuarit për doping.

Mesfushori i lindur më 1993 do të shtojë përvojën e vet të madhe në shërbim të ekipit bardhezi. Në fakt, “palmaresi” i tij përfshin një Kupë Bote dhe një Ligë Kombesh me Francën, një “Europa League” dhe dy “Carabao Cup” të fituara me Manchester United. Po kështu, Pogba ka fituar 4 tituj të Serie A, 2 Kupa Italie dhe 3 Superkupa Italiane, me Juventusin. Francezi krenohet me 190 paraqitje dhe 34 gola me bardhezinjtë, ndërsa me “Djajtë e Kuq” grumbulloi 233 ndeshje, duke shënuar 39 gola.

Mund të jetë një imazh i futboll, futboll, këpucë sportive me taka dhe teksti

Pogba sheh dritën në fund të tunelit: Mbaroi makthi…

Nuk ka vonuar dhe Pogba ka thyer heshjten, pas këtij lajmi vërtet shumë të mirë, që eviton mbylljen e karrierës: "Më në fund makthi mbaroi. Pas vendimit të Gjykatës së Arbitrazhit Sportiv, mezi pres ditën kur të mund të ndjek përsëri ëndrrat e mia.

Gjithmonë kam thënë se nuk kam shkelur kurrë me vetëdije rregullat e dopingut kur mora një suplement ushqimor, të përshkruar nga një mjek, i cili nuk ndikon apo përmirëson performancën e sportistëve.

Megjithëse duhet të pranoj se ky është një krim me përgjegjësi të rënda, dua të shpreh falënderimet e mia për gjyqtarin sportiv që dëgjoi shpjegimet e mia. Kjo ka qenë një kohë jashtëzakonisht shqetësuese në jetën time, pasi gjithçka për të cilën kam punuar aq shumë është lënë në pritje për t’u kthyer në fushë”.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit