SPANJË- Autoritetet spanjolle kanë vë në në pranga 4 shqiptarë. Garda Civile në bashkëpunim me Policinë Vendore të Hostalric, ka çmontuar një plantacion marijuane “të brendshme” që ndodhet në një godinë industriale në këtë bashki në rajonin e Selvës.

Shqiptarët e arrestuar akuzohen për trafik droge dhe mashtrim me energjinë elektrike. Hetimet u kryen pas marrjes së indikacioneve që tregonin për ekzistencën e një organizate kriminale të dedikuar për trafikun e drogës. Nisur nga këto dyshime, u kërkua një urdhër hyrje dhe kontrolli për të hyrë në objektin industrial.

Gjatë operacionit, agjentët sekuestruan gjithsej 80.4 kg sytha marijuanë, si dhe të gjitha pajisjet elektrike të përdorura për kultivimin e këtij lloji të plantacioneve të brendshme. Nuk përjashtohen edhe arrestime të tjera në kuadër të këtij hetimi, i cili mbetet i hapur.