Aksident në Kuçovë – Elektriçisti rrëzohet nga shtylla gjatë punës

Rreth orës 15:00 të ditës së sotme, një ngjarje e rëndë ka ndodhur pranë nënstacionit elektrik në Kuçovë, ku shtetasi V. K., 58 vjeç, elektriçist, është rrëzuar aksidentalisht nga një shtyllë elektrike gjatë punës.

I plagosuri u transportua menjëherë në spital, ku aktualisht po merr ndihmën e nevojshme mjekësore. Nuk dihet ende gjendja e tij e saktë shëndetësore.

Ndërkohë, grupi hetimor po vijon punën për të zbardhur rrethanat e ngjarjes dhe për të verifikuar nëse janë respektuar standardet e sigurisë në punë. /noa.al