Tiranë, 29 mars 2025 – Policia ka zbardhur dhe dokumentuar ngjarjen e ndodhur më 25 mars në rrugën “Mustafa Gaxheri”, ku një sasi lënde plasëse shpërtheu në ambientin e jashtëm të një lokali.

Policia sqaron se nga hetimet për zbardhjen e rastit është identifikuar dhe shpallur në kërkim autori i ngjarjes, një 47-vjeçar i identifikuar si Renato Mineri.

Si autor i dyshuar është identifikuar dhe shpallur në kërkim 47-vjeçari R. M., banues në Tiranë, i cili ka precedentë të theksuar kriminalë. Gjatë hetimeve, autoritetet sekuestruan veshjet e përdorura prej tij ditën e ngjarjes dhe biçikletën me të cilën u largua nga vendi i shpërthimit.

Specialistët për Hetimin e Krimeve të Komisariatit të Policisë Nr. 4 po vijojnë punën për arrestimin e tij dhe dokumentimin e plotë të ngjarjes. Materialet i kanë kaluar Prokurorisë për veprime të mëtejshme ligjore.