Magazinë
Transmetuar më 16-03-2025, 21:15

Gjermani, 16 Mars 2025 – Një ngjarje tragjike ka ndodhur mëngjesin e sotëm në qytetin Gera të Turingut, ku një 46-vjeçare ka pësuar djegie të rënda pasi bashkëshorti i saj i vuri flakën gjatë udhëtimit me tramvaj.

Autoritetet policore kanë identifikuar të dyshuarin si Tengizi Kakiashvili, një 46-vjeçar me origjinë nga Gjeorgjia, dhe e kanë shpallur atë në kërkim. Zëdhënësja e policisë, Katja Rieder, ka njoftuar se mundësia që i dyshuari të jetë i rrezikshëm nuk mund të përjashtohet dhe ka kërkuar që qytetarët të mos e vënë veten në rrezik.

Në momentin e ngjarjes, shoferi i tramvajit përdori një zjarrfikës për të shuar flakët, por gruaja, e cila kishte pësuar lëndime të rënda, u dërgua me urgjencë në spital me helikopter dhe aktualisht ndodhet në gjendje kritike.

Policia po heton për të sqaruar rrethanat e krimit dhe për të përcaktuar nëse ky akt ishte i rastësishëm ose një akt i planifikuar nga burri i viktimës.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit