Magazinë
Transmetuar më 16-03-2025, 13:50

Operacioni "MIDNIGHT" zbulon rrjetin e shfrytëzimit të prostitucionit në Vlorë

Vlorë – Një rast i shfrytëzimit të prostitucionit u godit në qytetin e Vlorës pas një hetimi tre-mujor të zhvilluar nga Seksioni për Hetimin e Trafiqeve në DVP Vlorë, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Vlorë.

Operacioni policor i koduar “MIDNIGHT” zbuloi mënyrën se si një lokal në qytet përdorej për organizimin e këtij aktiviteti të jashtëligjshëm.

Sipas hetimeve, lokali shërbente si një qendër ku organizohej prostitucioni, me klientë të ndryshëm që paguanin për shërbime seksuale.

Entela K, një grua 41-vjeçare vlonjate, akuzohet se shfrytëzonte 39 vjeçaren E.Ç., një shtetase tjetër vlonjate për prostitucion kundrejt pagesës, duke përfituar financiarisht nga kjo veprimtari.

Hetuesit, gjatë kontrollit, sekuestruan një shumë parash të dyshuar të përfituar nga prostitucioni, si dhe një dozë lëndë narkotike.

Policia dhe prokuroria po vijojnë punën për dokumentimin e plotë të kësaj veprimtarie kriminale dhe për identifikimin e personave të tjerë të përfshirë. /noa.al

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit