Babai kërkon vajzën e dytë pas tragjedisë në Koçan: "Njërën e gjeta, tjetra është e zhdukur"

Koçan, Maqedonia e Veriut – Një babai i dëshpëruar vazhdon kërkimet për vajzën e tij të zhdukur pas zjarrit tragjik në diskotekën "Puls".

Boban Tasev, i cili kishte dy vajza në koncertin fatal, ka arritur të gjejë njërën prej tyre, e cila ndodhet në spital, por ende nuk ka asnjë informacion për fatin e vajzës së dytë.

"Erdhëm këtu për ta kërkuar, nuk është në Koçan. Do ta kërkojmë në Shkup," – ka deklaruar ai për MIA, ndërsa shpreson të marrë një lajm për të bijën e zhdukur.

Familjet në ankth për të dashurit e tyre

Shumë familjarë po përballen me momente të rënda pasigurie, ndërsa identifikimi i viktimave dhe të plagosurve ende po vazhdon në spitalet e Shkupit, Koçanit dhe Shtipit.

Disa prej viktimave nuk kishin dokumente me vete, gjë që po e vështirëson procesin e identifikimit.

Autoritetet po bëjnë përpjekje maksimale për të informuar familjarët sa më shpejt mbi fatin e të afërmve të tyre.

Lajmi po përditësohet…