Në selinë e Kombeve të Bashkuara në Nju Jork u shfaq dje, filmi kinez "Ne Zha 2" (Fëmija demon trazon detin).

Në aktivitetin e mbajtur për shfaqjen e filmit "Ne Zha 2" ishin të pranishëm zv/Sekretari i OKB-së Xu Hangliang, diplomatë të shumtë nga Franca, Rusia, Greqia, Tajlanda, punonjësit e selisë së OKB-së, gazetarë si edhe mbi 150 të ftuar.

Përgjegjësi i Grupit Mediatik të Kinës në OKB u shpreh se pas shfaqjes në Amerikën Veriore, filmi "Ne Zha 2" tërhoqi interesin e madh të banorëve lokalë për kulturën kineze, duke nxitur shkëmbimet kulturore mes Kinës dhe Shteteve të Bashkuara.

Shfaqja e filmit "Ne Zha 2" në OKB u organizua nga Byroja Kombëtare e Filmave të Kinës në bashkëpunim me CMG-në dhe Shoqatën e Librit të OKB-së. Shfaqja e filmit u ndoq nga shikues të shumtë.

Zv/Sekretari i OKB-së Xu Haoliang u shpreh se shfaqja e filmit "Ne Zha 2" në shumë vende dhe rajone, ka nxitur shkëmbimet kulturore mes Kinës dhe vendeve të ndryshme.

Filmi, i cili përcjell tregimet mitologjike të kulturën tradicionale kineze, realizon lidhje kulturore mes shumë vendeve duke shkaktuar reagime emocionale ndërkombëtare.

Niveli i shkëlqyer i filmit "Ne zha 2" tregon gjithashtu se teknologjia kineze në animacion ka arritur nivele botërore.

Një punonjëse e Sekretariatit të OKB tha se u tërhoq thellësisht nga estetika tradicionale kineze, trashëgimia e thellë historike dhe ajo kulturore e shfaqur në film. Gjithashtu edhe tregimet emocionale prekën zemrën e saj.

Një punonjës i OKB-së e vlerësoi filmin "Ne zha 2" si shumë emocionues, duke thënë se është një film jo vetëm i kuptueshëm nga perëndimorët, por gjithashtu i përshtatshëm edhe për të gjitha moshat.