Autorja e Festivalit ’63 në Radio Televizionin Publik Shqiptar, Zefina Hasani ka bërë të ditur në emisionin “Jetë Shqiptare” se në evenimentin më të rëndësishëm do t’u kushtohet edhe poetëve të këngëve të festivaleve ndër vite.

Hasani ka shpjeguar se poezitë e këngëve ndër vite jo vetëm do të këndohen në këtë festival por edhe do të interpretohen. Për këtë arsye, ajo theksoi se janë të ftuar një kastë aktorësh të njohur.

“Për herë të parë në mos gaboj, për herë të parë ne u kushtojmë një natë poetëve-tekst shkruesve. Gjithmonë janë përmendur në festivale, por fokusi i lihet kompozitorit dhe më shumë se kompozitorit, i lihet artistit. Mendoni se sa harroni poetët.

Duke qenë se ne humbëm këtë vit Ismail Kadarenë, Agim Doccin, Jorgo Papingjin, ca kohë më parë Arben Dukën, mendova se ne duhet të ndalojmë tek ata, t’u kushtojmë një natë të tërë, por edhe për tekst shkruesit që i kemi ende mes nesh dhe që nuk na kanë ikur ende.

Nuk ka këngë pa tekst, nuk mund të ketë. Ka ndër vite poezi kaq të bukura, që ne do t’i sjellim jo vetëm të kënduara, por edhe të recituara nga aktorët më të mirë që ne i kemi të ftuar. Jam shumë e lumtur që i kanë thënë po kësaj ftese sepse e vlerësojnë edhe ata te këtë rikthimin te fjala e shkruar”, u shpreh Hasani.

Autorja e Festivalit ndaloi edhe te treshja e prezantuesve të eventit më të madh të muzikës në këtë fundvit, duke nisur nga Ornela Bregu, Enkel Demi dhe Dalina Buzi.

Hasani shpjegoi se Dalina Buzi do të jetë te pjesa e prapaskenës “për t’i dhënë më shumë kohë emocioneve të asaj ccka ndodh në prapaskenë, por boshti kryesor në moderim janë padiskutim, Ornela Bregu dhe Enkel Demi. Ornela një rikthim i jashtëzakonshëm. Ka dalë nga ky televizion dhe motoja e këtij festivali është; rikthimi te rrënjët. Po ashtu edhe Enkel Demi ka dalë nga radioja e këtij institucioni”

/rtsh.al/