Magazinë
Transmetuar më 26-11-2024, 10:54

Një denoncim publik u bë sot në spitalin privat, ku ndodhet prej disa ditësh tashmë Mario P., i mituri që akuzohet për vrasjen e Martin Canit.

Sipas gazetares Anila Hoxha e cila foli në Top News, mjeku që po merret me trajtimin e 14-vjeçarit, ka refuzuar të plotësojë raportin për gjendjen shëndetësore të të miturit.

Ditën e sotme, për herë të dytë, një grup i përbërë nga pesë persona ka shkuar në spitalin privat ku mbahet i mituri.

Më herët, ditën e hënë mjeku sipas gazetares, sërish refuzoi ta jepte epikrizën, e cila do të përcaktojë nëse i mituri mund të transferohet në burgun e të miturve, për të zbatuar masën e sigurisë “Arrest me burg”, që është caktuar ndaj tij.

Zyrtarët e burgjeve raportohet se kanë njoftuar policinë, lidhur me këtë fakt.

14-vjeçari Mario P. ndodhet në spital privat pasi mbeti i plagosur me thikë gjatë sherrit me viktimën dhe shokun e këtij të fundit, Luis, i cili ndodhet tek Trauma, me 4 plagë thike në trup.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit