Vajzave të mitura po i nisin gjithnjë e më herët periodat dhe po ashtu ka ndryshuar kohëzgjatja që ato të bëhen të rregullta me një cikël normal, gjeti një studim u ri nga JAMA Network Open që ka monitoruar noa.al.

Studimi u bë duke përdorur të dhëna të mbledhura si pjesë e Studimit të Shëndetit të Grave në Apple, i cili u zhvillua nga Shkolla e Shëndetit Publik në Harvard TH Chan, në bashkëpunim me Institutin Kombëtar Amerikan të Shkencave të Shëndetit Mjedisor (NIEHS) dhe kompaninë e teknologjisë Apple.

Duke parë të dhënat e gjurmimit të ciklit të paraqitura nga më shumë se 71,000 individë nga iPhone dhe Apple Watches, gjetjet zbuluan se mosha mesatare e një periode të parë ishte 11.9 vjeç në mesin e atyre të lindur midis 2000 dhe 2005, krahasuar me 12.5 vjet për ata të lindur midis 1950 dhe 1969.

Vajzat që morën pjesë në studim, mes tyre, aziatike, johispanike me ngjyrë, si dhe multiracë, raportuan mosha mesatare edhe më të hershme të menstruacioneve të para sesa homologët e tyre të bardhë që dominojnë kryesisht në Evropë.

“Midis individëve të lindur midis 1950 dhe 2005, ne zbuluam se brezat e rinj po fillonin periodat e tyre të para më herët, dhe koha që iu desh që periodat e tyre të bëheshin të rregullta gjithashtu u rrit,” – tha autori kryesor i studimit Dr. Zifan Wang, një hulumtues postdoktoral në Harvard.

Wang shtoi se gjetjet janë "të rëndësishme" sepse periudhat e hershme dhe të parregullta "mund të sinjalizojnë probleme fizike dhe psikosociale më vonë në jetë".

Wang gjithashtu vuri në dukje se "këto tendenca mund të kontribuojnë në rritjen e rezultateve negative shëndetësore dhe pabarazive në SHBA".

Studiuesit e lidhur me studimin thanë se menstruacionet e hershme mund të shkaktohen nga faktorë të shumtë.

"Veçanërisht, obeziteti është një faktor rreziku për fillimin e hershëm të pubertetit dhe prevalenca e obezitetit të fëmijërisë është rritur në SHBA, duke çuar në hipoteza mbi rolin e mundshëm të obezitetit në tendencat drejt menstruacioneve të hershme," tha studimi.

Studiuesit vunë në dukje gjithashtu se "faktorët mjedisorë", "modelet dietike, "stresi psikosocial" dhe "përvojat e pafavorshme të fëmijërisë" gjithashtu mund të luajnë një rol.

Një periodë është pjesa e ciklit menstrual kur gratë, vajzat dhe njerëzit që kanë menstruacione kanë gjakrrjedhje nga vagina e tyre.

Periodat, që në zhargon njihen dhe si zakonet, apo të përmuajshmet e femrave, janë një cikël që zgjat 4 deri 8 ditë dhe vijnë çdo 28 ditë mesatarisht, por edhe midis 24 dhe 38 ditëve.

Për të filluar, periodat mund të mos ndodhin çdo muaj, por nga mosha rreth 16 deri në 18 vjeç, shumica e njerëzve që kanë menstruacione do të shohin se periodat e tyre janë të rregullta.

/noa.al

Fotot: Getty Images