Washington, 23 mars 2025 – Howard Lutnick, një zyrtar i lartë i Donald Trump, ka njoftuar se ka siguruar 5 miliardë dollarë në një ditë të vetme duke shitur 1000 “karta të arta” të emigracionit, secila me vlerë 5 milionë dollarë. Lutnick, i ftuar në “All-In Podcast”, tha se këto karta të reja janë një mundësi për të gjeneruar të ardhura të mëdha për administratën e Trump, duke pasur parasysh një treg të mundshëm prej 37 milionë blerësish.

Sekretari amerikan i Tregtisë shtoi se Trump është i bindur se mund të shesë deri në një milion karta të tilla, duke gjeneruar kështu të paktën 5 trilionë dollarë. "Ka 37 milionë njerëz në botë që janë në gjendje të blejnë kartën… Presidenti mendon se mund të shesim një milion," tha Lutnick, duke theksuar potencialin e madh të tregut.

Lutnick ka deklaruar gjithashtu se më parë, 250,000 njerëz kishin shprehur interes për këto “karta të arta”, të cilat ish-Presidenti Trump i prezantoi rreth një muaj më parë si një zëvendësim për vizën ekzistuese të investitorit EB-5.

“Roli im ishte të ekzekutoja vizionin e Trump dhe kuptova se si ta bëja atë,” shtoi Lutnick.

Fondet që janë mbledhur nga shitja e këtyre kartave do të përdoren për të reduktuar borxhin kombëtar të SHBA-së, i cili aktualisht është 36.2 trilion dollarë, njoftoi Lutnick.