DURRËS- I dyshuari Fatjon Janina e ka pranuar autorësinë për vrasjen e 82-vjeçarit në Durrës.

32-vjeçari ka deklaruar se shkak për konfliktin është bërë një borxh prej 200 mijë lekësh që Paulin Gina ia kishte autorit të dyshuar.

Gjithashtu Janina thotë se i ka thënë që të flasin për borxhin pasi i duheshin lekë për Vitin e Ri, por i moshuari i ka thënë se nuk ka lekë.

Sipas tij viktima e ka ofenduar duke e quajtur drogaxhi dhe ka tentuar ta godasë me çekiç, por në atë moment Janina ka gjetur një thikë dhe e ka qëlluar disa herë.

“Po unë e vrava Paulinin. Me kishte 200 mije lekë borxh, e pashë dje qe po dilte nga shtëpia nga kati i pestë ku unë banoj të sheshpushimi i shkollave.

I thashë hajde flasim për atë borxhin që me ke se me duhen lekët për viti e ri. U futëm të shtëpia e tij. Debatuam aty dhe me tha nuk kam leke.

Më ofendoi, më tha drogaxhi. Aty e humba qetësinë, u përleshëm afro 1 orë. Ai donte të më godiste me çekiç, unë gjeta një thikë e qëllova disa herë.

Pastaj e qëllova edhe disa here me çekiçi derisa ngeli i shtrirë në tokë. Më pas mora thikat dhe çekiçin dhe i dërgova në shtëpinë time.

Kur dola mbyllja edhe derën e jashtme të tij me çelës. Shkova në shtëpi, fsheha thikat dhe çekiçin, ndërrova edhe rrobat e gjakosura dhe më pas në gjendje të rënduar psokologjike ika edhe nga shtëpia ime, nga frika e policisë”, tha ai.