Jeff Grubb thotë se nuk duhet të presim shfaqjen e PlayStation Showcase në dhjetor siç shumë pritej në këtë 30 vjetor që shënohet më 3 dhjetor

Një ndër ekspertët e besueshëm të informacioneve mbi zhvillimet në lojërat e PlayStation, Jeff Grubb, njoftoi në X se lojtarët nuk duhet të kenë shpresë për një event të dëshiruar PlayStation Showcase ose State Of Play këtë dhjetor që po afron.

Dje, PlayStation publikoi një trailer të ri "Play Has No Limits", i cili përfshin një moment që shumë fansa besojnë se është një ngacmim për një event të ardhshëm

Ka një pamje shumë të shpejtë ku shfaqet data 3 dhjetor 2024, që është edhe 30 vjetori i platformës PlayStation.

Por Grab deklaron se nuk ka asnjë lajm në lidhje me ngjarjet e PlayStation Showcase ose State of Play, pavarësisht pritshmërive të lojtarëve.

Shumë njoftime të mëdha janë bërë gjatë gjithë vitit dhe shumë besojnë se drejtuesit e PlayStation mund të jenë të interesuar t’u japin fansave diçka tjetër për të pritur. Sipas tyre është një skemë për ti mbajtur të karikiar.

Ndërsa ka pasur shumë lëshime të mëdha të PlayStation në 2024 (Helldivers 2, Stellar Blade, Astro Bot), lojtarët që u argëtuan me ata tituj mund të kërkojnë diçka për fundin e vitit.

Naughty Dog ka projekte në proces, Sucker Punch Productions njoftoi Ghost of Yotei dhe Kojima Productions vazhdon punën në Death Stranding 2, por ende nuk e dimë se kur do të marrim më shumë informacion mbi këta tituj.

Insajderi i industrisë së lojërave, Jeff Grubb ndau në mediat sociale se nuk ka asgjë të vërtetë për një lançim të ri të PlayStation Showcase ose State of Play të planifikuar për në dhjetor.

Lojtarët duhet gjithashtu të kenë parasysh se vetëm për shkak se disa data ndihen si ‘koha e përsosur’ për të bërë njoftime të mëdha, siç është dhe 30 vjetori, kjo nuk do të thotë se vendimmarrësit e PlayStation bien dakord.

Si gjithmonë, është më mirë të mbani pritshmëritë e ulëta në mënyrë që të mos zhgënjeheni vazhdimisht.

Burimi – [ Jeff Grubb ]