ITALI- Një ngjarje e rëndë është regjistruar në Verona të Italisë. Mësohet se një 19-vjeçar kahumbur jetën tragjikisht pasi ai arriti të hipte në gardhin metalik të stacionit të një treni. I riu, Edoardo Mangano kishte dalë me miqtë të shtunën në mbrëmje për t’u argëtuar në një klub nate që ndodhet pranë stacionit të trenit Porta Vescovo të Veronës.

Pas festës, 19-vjeçari dyshohet se u ngjit në gardhin metalik të stacionit dhe u ngjit në çatinë e një treni tregtar që ishte ndalur në shina për natën. Aty ai preku linjat e energjisë elektrike dhe u godit për vdekje nga energjia elektrike. Trupi i tij u gjet pak më vonë përgjatë shinave të stacionit. Autoritetet kanë nisur hetimet për rrethanat në të cilat ndodhi tragjedia.